Exhibitions

Þóra Sigurðardóttir

Salur Félagsins íslensk grafík, Hafnarhúsi, Tryggvagötu 17
Laugardaginn 12. febrúar nk. kl. 14:00 – 17:00
Sýningin stendur frá 12.02. til 06.03. 2022

Á sýningunni eru ætingar, prentaðar af málmplötum á bómullarpappír og teikningar unnar á hörstriga. Opið kl. 14:00 – 17:00 þann 12.febrúar.
Þóra Sigurðardóttir hefur sýnt verk sín reglulega á samsýningum og einkasýningum. Hún hefur starfað við listkennslu, sýningarstjórn og var skólastjóri Myndlistaskólans í Reykjavík um árabil. Hún rekur nú ásamt Sumarliða Ísleifssyni Sýningarrými að Nýp á Skarðsströnd www.nyp.is.

Þóra hóf að kenna við Myndlistaskólann í Reykjavík árið 1985, en hélt utan tveimur árum síðar og stundaði framhaldsnám í skúlptúr og rými í Danmörku. Eftir framhaldsnámið kenndi Þóra grunnatriði teikningar og rýmis í listaskólum, en vann jafnframt með efni, rými og teikningu í
eigin verkum. Þessi grunnur er viðfangsefni í þeim verkum sem Þóra sýnir nú; teikningar með grafíti, bleki, kolum og eggtempera á hörstriga – ásamt teikningum sem útfærðar eru með ætingu í málm, handprentaðar á 270 gr. bómullarpappír. Prentverkin eru unnin á hausti 2021 í vinnustofudvöl í Feneyjum og á grafíkverkstæðinu í Hafnarhúsi, en teikningarnar eru frá sl. 3 árum. Etv. mætti segja að verkin innihaldi að nokkru leyti eiginleika skúlptúrs, þar sem lag er lagt ofan á lag af efni, hlaðið upp af láréttu plani pappírsins/strigans.

Verk Þóru Sigurðardóttur eru í eigu opinberra safna og einkasafna hér á
landi og erlendis.
Sýningin er í sal Félagsins íslensk grafík, Hafnarhúsi, Tryggvagötu 17, inngangur snýr að höfninni.
Opið kl. 14:00 – 17:00 miðvikudaga, fimmtudaga, föstudaga og laugardaga.

Listamaður Grafíkvina 2022 er Marilyn Herdís Mellk og mun hún sýna úrval af grafíkverkum unnin frá 1987 og fram til dagsins í dag 4. febrúar frá kl. 18-20 og 5. og 6. frá kl.14-17 í sal félagsins á Vetrarhátíð.

“Á gönguferðum með hundunum mínum fell ég oft í stafi yfir hinni ómótstæðilegu fegurð birtunnar. Á þessum stundum staldra ég við og reyni að festa á filmu augnablikið, áferð og andstæður til að vinna áfram með á vinnustofunni minni.  Verkið „Birtuskil“ var unnið undir áhrifum gönguferðar fyrir ofan Rauðavatn. Það var einmitt á einum þessara daga þegar birtan var eins og annars heims og friðsældin ríkti.” MHM 

Marilyn Herdís, fædd 1961 er af íslensku bergi brotin og hefur búið og starfað í Reykjavík síðan 1981. Hún stundaði listnám við California College of the Arts og Myndlista og Handíðaskóla Íslands, nú LHÍ, þaðan sem  hún útskrifaðist 1987 úr grafíkdeild. Marilyn hefur haldið einkasýningar og tekið þátt í fjölmörgum samsýningum bæði hérlendis og erlendis. Hún er félagi í Íslenskri grafík, Sambandi íslenskra myndlistarmanna og er í stjórn ÍG.  www.instagram.com/marilynmellk/ arkiv.is | Marilyn Herdís Mellk  

 “Often when walking my dogs, the light is so mesmerizing that I have to stop to take in the fleeting beauty of it all.  I snap a few pictures to try and catch the moment, contrasts and textures to work on in my studio at a later date.  “Contrast ” was inspired after a walk on the trails behind Rauðavatn. It was one of those days when the light was otherworldly and peaceful.” MHM 

Marilyn Herdís is an Icelandic/ American, born in 1961 and has been living and working in Iceland since 1981. After studying art at the California College of Arts and Crafts, she continued her studies at the Icelandic College of Arts and Crafts where she graduated in 1987 from the printmaking department. She has held solo exhibitions as well as taken part in many group exhibitions in Iceland and other countries as well as being an active member of the Icelandic Printmakers Association and the Association of Icelandic Visual Artists.  www.instagram.com/marilynmellk/ arkiv.is | Marilyn Herdís Mellk 

Stærð myndar er 18,0 x 10,0 cm, stærð pappírs er 28,0 x 20,0 cm í 70 eintökum. Akua eiturefnalausir þrykklitir á Hahnemühle ætingarpappír 300 gsm.  Aðferð: 2 plötur- koparæting/ akvatinta og sólarplata, handmáluð með vatnslitum frá Winsor & Newton. 

Plate size –18,0 x 10,0 cm, paper size – 28,0 x 20,0 cm, edition 70.  Akua non-toxic inks on Hahnemühle etching paper 300 gsm. Technique: 2 plates - copper etching/aquatint and solarplate, handpainted with watercolors from Winsor & Newton.

Hittingur / Encounter / Spotkanie er sýning fjögurra listamanna sem allir eiga það sameigiinlegt að hafa nýlega gengið til liðs við Grafíkfélagið. Þrátt fyrir að að tilurð sýningarinnar og samsetning sé tilviljunarkennd er áhugavert að sjá að þar birtist bæði áhugaverður kontrast í efnistökum en einnig hvernig ólíkir listamenn ná að spila saman á sýningunni, nokkuð sem er dæmi um það sem kallast getur ‘tíðarandi“.
||
Hittingur / Encounter / Spotkanie is an exhibition of four artists who all have have recently joined the Graphic Arts Association. Although the premise of the exhibition and its composition are coincidental, it is interesting to see how it demomstrates an interesting contrast in the treatment of its subject matter while at the same time the artists combine in an interseting way togegher, generating something that is an example of what can be called ‘Zeitgeist’.

Föstudaginn 29. október kl 16 –19 opna ég sýninguna Í garðinum heima í Grafíksalnum, Hafnarhúsinu, Tryggvagötu 17. (Gengið inn sjávarmegin).
Titill sýningarnar vísar í að verkin eru innblásin af nærumhverfinu umhverfis vinnustofuna sem er staðsett austur í Hreppum. Á sýningunni eru málverk, olía á striga, og einþrykk, þrykkt af koparplötum.

Sýningin stendur til 14. nóvember og er opin mið.–sun.kl. 14–17.

Velkomin á sýninguna.

Samsýning félagsmanna ÍG í Grafíksalnum helgina 20.-22. ágúst 2021

Síðasti sýningardagur

Sýningin Slæður með verkum eftir Gunnhildi Þórðardóttur var opnuð í sal Íslenskrar grafíkur, Hafnarhúsinu 26. mars sl. Opnunin var einungis með örfáum boðsgestum og lifandi streymi á facebook. Nú er komið að síðust sýningarhelgi en sýningin samanstendur af grafíkverkum og teikningum í víðum skilningi, innsetningum gerðum úr gömlum gardínum sem ýmist hanga eða er stillt upp í notuðum vínkössum og minna á leikhús eða aðra viðburði í lífi manneskju. Sýningin minnir á hið dularfulla, hættulega, draugalega, leikræna og svífandi. Myndlistamaðurinn er að skoða upplifun fólks í rými og hvernig þau bregðast við slíku rými. Stuðst er við kenningar Toninos Griffero um stemningu og fagurferði í rými og hugtök í þeirri speki t.d. tilfinningatengd skynspeki og um hin lifandi líkama í lifandi rými. Allur efniviður á sýningunni er notaður enda er endurvinnsla, hringrásarhagkerfið og sjálfbærni listamanninum hugleikin þannig breytast gamlar álrimlagardínur í teikningu af fossi, gamalt garn breytist í teikningu af línum og gamalt stórris fær að vera innsetning.

Sýningin verður opin á milli kl.14-17 föstudags – sunnudaga en hún er einstaklega barnvæn sýning.

Gunnhildur lauk tvíhliða BA námi í listasögu og fagurlistum frá Listaháskólanum í Cambridge árið 2003 og MA í liststjórnun frá sama háskóla árið 2006 og lauk viðbótardiploma í listkennslu við LHÍ á haustönn 2019. Hún hefur haldið nokkrar einkasýningar meðal annars í Listasafni Reykjanesbæjar, Kirsuberjatrénu, í Suðsuðvestur, Flóru á Akureyri, í SÍM salnum, Slunkaríki, sal Íslenskrar grafíkur auk þess að taka þátt í samsýningum í Listasafni Íslands, Hafnarborg, Listasafni Reykjanesbæjar, Norræna húsinu, 002 gallerí og Tate Britain.