Opnun: Laugardaginn 18.apríl Staður: Grafík salurinn, Hafnarhúsi, Reykjavík Sýningartími: 18. Apríl – 3. Maí
Á sýningunni eru verk sem unnin eru upp úr mánaðardvöl á vinnustofu í Varanasi á Indlandi 2024. Verkin byggjast á sex ára rannsókn Elsu á litum og litarefnum, þar sem áherslan hefur verið á náttúrulegan, fundinn og staðbundinn efnivið, auk alkemískra ferla við litagerð.
Á Indlandi skoðaði Elsa meðal annars notkun hversdagslegra litagjafa í daglegu lífi. Upplifanir hennar og reynsla daganna í Varanasi framkölluðust í formi fundinna litarefna í leiðöngrum um borgina. Á sýningunni leggur hún áherslu á að líkamna efniviðinn sem hún safnaði þar og framkalla hann í tíma, rými og samhengi sýningarstaðarins. Það á sér stað stefnumót ólíkra staðhátta og menningarheima í marglaga upplifunum og efniskennd.
Elsa Dóróthea Gísladóttir hefur starfað að myndlist í þrjá áratugi. Hún nam við Myndlista- og handíðaskóla Íslands 1986–1990 og stundaði framhaldsnám við AKI í Hollandi 1991–1994. Hún hefur setið í stjórn Nýlistasafnsins og Myndlistaskólans í Reykjavík, starfað í úthlutunarnefndum á vegum SÍM og hlotið starfslaun listamanna.
Á síðustu árum hafa gjörningar verið mikilvægur hluti af myndlist Elsu. Sýningar hennar einkennast af umbreytingarferlum og gjörningatengdri úrvinnslu og framsetningu. Sýningin er opin miðvikudaga – sunnudaga, kl. 14:00 – 17:00
Opnun: laugardaginn 28.mars frá 13-17 Opið fimmtudaga til sunnudaga frá 14-17 á meðan sýningu stendur til 12.apríl.
Ólöf Björg er þekkt fyrir málverk sín þar sem mannslíkaminn er meginviðfangsefnið en hér sýnir hún líka abstraktmyndir. Þessa sýningun tileinkar hún mæðrum og fjallar á huglægan hátt um móðurhlutverkið, bæði reynsluheimi okkar og í stærra samhengi. Flestar konur þekkja þá reynslu að eignast börn og það flókna hlutverk sem þá tekur við, en við hin höfum að minnsta kost átt móður og þekkjum mæður. Þáttur mæðra í samfélaginu er svo mikilvægur að þær gegna lykilhlutverki í trúarbrögðum og goðsögnum um allan heim: Við lifum á móður jörð, tölum móðurmál og allt sem nærir og fæðir er tengt hugmyndum um mæður. Mörg af elstu listaverkum sem vitað er um eru móðurmyndir, t.d. styttan fræga sem nefnd hefur verið Venus frá Willendorf í Austurríki sem talin er 40.000 ára gömul. Blóðmæður og mæðrun þurfa þó ekki ávallt að ganga saman og móðurhlutverk er ekki eitthvað sem prófað er í fyrirfram. Reynsla hverrar móður er einstök og hver móðir þarf að finna sína leið í þessu hlutverki. Það er eitthvað einstakt við það að bera annan líkama sem verður hluti að eigin líkama. Hvað þá að sleppa síðan takinu af þessum innri líkamanum og hleypa honum út í heiminn – að slíta á naflastrenginn í bókstaflegum og táknrænum skilningi, jafnvel þó að verkefni móðurinnar og tilfinningartengsl haldi jafnvel um óvissu skeið. Móðurhlutverkið vafið dulúð. Mæður viðhalda mannskyninu og ættum um aldur og aldir. Þær yrkja gróskumikinn garð kynslóðanna þar sem formóðirin trónir sem ættartré og nærir nýgróðurinn. Lífið er óvissuástand og þegar mannvera verður með barni & tekur ákvörðun að ganga með það er það umbreyting: líkamlega og hugarfarslega, hvað svo sem gerist í kjölfarið. Sjálfsveran klárlega hefur einhverskonar hamskipti með taug við annan líkama um óákveðinn tíma. Markmiðið er að næra manneskju og koma til þroska. Til þess þarf móðirin að rækta með sér innsæi og óeigingirni í þvílíkum mæli að nálgast kraftaverk. Börnin sem borin eru úr líkama hennarinn í heiminn eru óvissugjöf í sjálfu sér – dans milli upprunans og þess anda og andardráttar sem ekki er hægt að festa hendur á.
Íris Ólöf Sigurjónsdóttir og María Þorleifsdóttir bjóða þér að vera við opnun á sýningunni Farvegir í Hafnarhúsinu, Grafíksalnum, Tryggvagötu 17 ( hafnarmegin) fimmtudaginn 5. mars kl. 17:00 -19:00. Opið er fimmtudaga til sunnudaga kl. 14:00 -18:00. Sýningunni lýkur 22. mars. Öll hjartanlega velkomin.
Í hálfa öld hafa farvegir Írisar Ólafar og Maríu Þorleifsdóttur í gegnum lífið og listina legið á ólíkum slóðum. Stundum hafa þeir runnið saman, skarast, kvíslast eða tekið ólíka stefnu. Og nú mætast þeir hér í Grafíksalnum.
Íris Ólöf Sigurjónsdóttir er textílmenntuð og hefur alla tíð fengist við textíllist meðfram öðrum störfum. Hún var safnstjóri á Byggðasafninu Hvoli á Dalvík í tæp 20 ár og sá m.a. um að endurhanna allar sýningar safnsins. Íris Ólöf hefur og haldið nokkrar einkasýningar bæði norðan heiða og í Reykjavík og tekið þátt í fjölmörgum samsýningum, s.s. með Textílfélagi Íslands þar sem hún er meðlimur og á Listasafni Akureyrar sem á verk eftir hana í safnkosti sínum. Íris Ólöf kennir textílsögu m.a. í textíldeild Myndlistaskóla Reykjavíkur Við textílinn blandar Íris Ólöf gjarnan öðrum efnum. Hún segist hafa þörf fyrir að vinna með andstæður; Náttúrulegt/manngert, óstöðugleika/stöðugleika, takmarkanir/frelsi, norðrið/suðrið, hart/mjúkt, stórt/lítið, fíngert/gróft. „Ég vinn á vinnustofu minni að stærri verkum þar sem að ég blanda saman grjóti og fínlegum textílum. Endurnýting er mér hugleikin og það að breyta einu efni í annað”.
María Þorleifsdóttir er lærður félagsráðgjafi frá Oslo þar sem hún bjó og starfaði í ein 8 ár, eða fram til 1985.Samhliða starfi sínu sem slíkur lagði hún alla tíð lagt stund á listnám og tók fjölbreytt námskeið bæði hér heima og erlendis, og má þar nefna leirmótun, teiknun, málun og skúlptúr gerð.- Veturinn 2004-2005 settist María á skólabekk í Iðnskólanum í Reykjavik á Hönnunarbraut skólans.- Haustið 2007 fékk hún inngöngu inná eins árs listnámsbraut við Kunsthöjskolen Sönderborg Dk.- Tók þátt í tveimur samsýningum í Listasal Mosfellsbæjar undanfarin tvö ár.- Hélt einkasýningu í garði sínum eina helgi síðsumars fyrir vini og vandamenn. María er frístundarmálari, …. málar stórt ,…. þarf mikinn “texture” og er drifin áfram af einhverjum krafti, til að ná fram einhverju sem kallast samspil áferðar, forma og lita.
Gréta Mjöll Bjarnadóttir og Kristbergur Ó. Pétursson sýna saman í Grafíksalnum 14 feb.-2 mars. Opnun kl. 16.00 laugardaginn 14 feb. Saga, fortíð líf og náttúra er grunnur að listsköpun þeirra Grétu Mjallar Bjarnadóttur og Kristbergs Ó. Péturssonar sem sýna saman í Grafíksalnum. Einnig nýsköpunarleiðir með efni og miðla sem tengjast í fagurfræðilegu samhengi. Rætur listsköpunar þeirra liggja víða í tíma og rúmi, frá Grímsnesi til Hollands, frá bernskuárum og námsárum. Gömul skissuvinna er sjóður sem enn er sótt í, til upprifjunar, endurnýjunar og endurnýtingar. Nýtt er byggt á gömlum grunni.
Á Vetrarhátíð kynnir Íslensk grafík nýtt verk eftir Sigurð Atla Sigurðsson sem var útnefndur listamaður Grafíkvina árið 2026. Verkefnið hefur verið í gangi allt frá 1994 með útnefningu listamanna á borð við Braga Ásgeirsson, Georg Guðna og Ragnheiði Jónsdóttur. Jafnframt því að vinna verk í upplagi fyrir félagið er Sigurði Atla úthlutað vinnustofudvöl á verkstæði Íslenskrar grafíkur í Hafnarhúsi í heilt ár. Á Vetrarhátíð heldur Sigurður Atli opna vinnustofu í Grafíksalnum þar sem hann sýnir ýmis nýleg verk í bland við eldri verk og gestum er því boðið að skyggnast inn í vinnuferli listamannsins.
Opnun á Safnanótt föstudaginn 6. febrúar kl 17-20 Opið laugardag 7. febrúar og sunnudag 8. febrúar kl 14-17 AÐEINS ÞESSA HELGI
Titill: Tafla Tækni: Leturprent Stærð: 19,2 x 27,4 cm Eintök: 70 (+10AP)
Tafla “Verkið er unnið á japanskan pappír sem verður gegnsær þegar hann er hitaður. Helmingur arkarinnar er hitapressaður með málmklisju. Þannig er verkið ein pappírsörk sem er bæði hvít og gegnsæ. Jan Voss sagði mér einu sinni að einfaldasta form bókarinnar væri ein örk brotin í tvennt. Einar fyrstu bækurnar voru tvær vaxtöflur bundnar saman í miðjunni. Þær voru notaðar sem glósubækur þar sem upplýsingar voru ristar í vaxið og síðan strokaðar út með því að hita það. Upplýsingarnar voru geymdar innra með fólki.” Sigurður Atli
Sigurður Atli Sigurðsson (f. 1988) er þekktur fyrir formhrein verk sem skoða þau mynstur sem móta mannleg samskipti. Verk hans taka á sig form stórra myndaraða og innsetninga sem taka yfir sýningarrýmið. Á ferli sínum hefur Sigurður Atli unnið með ýmsar grafískar prentaðferðir og fengist við útgáfu bókverka. Sérþekking hans á þessu sviði hefur leitt hann til að halda sýningar, kenna og stýra sýningum víða um heim, nýlega á Museum of Contemporary Art Tokyo, Listasafni Ísafjarðar og á Listasafninu á Akureyri. Verk hans eru m.a. í eigu Listasafns Íslands, Listasafns Akureyrar, Listasafns Ísafjarðar og Arion Banka.
GRAFÍKVINIR Hvað er Grafíkvinur? Grafíkvinur er styrktaraðili Íslenskrar Grafíkur sem greiðir árlegt áskriftargjald kr. 15.000,- og í staðinn fá Grafíkvinir boð á allar sýningar í Grafíksalnum og fréttir af öllum öðrum viðburðum félagsins ásamt því að eignast árlega grafíklistaverk unnið af sérvöldum grafíklistamanni hvers árs fyrir sig, félagsmanni eða gestalistamanni. Listamaðurinn er tilnefndur af stjórn félagsins og vinnur listamaðurinn sérstakt listaverk fyrir Grafíkvini
MYNDLISTAROPNUN Fimmtudaginn 15. janúar kl fimm, opnar myndlistarsýningin Heimahöfn í Grafíksalnum hafnarmegin í Hafnarhúsinu, Tryggvagötu 17.
SÝNING, LAG OG BÓK Myndlistarkonan Eirún Sigurðardóttir sýnir fjögur viðamikil útsaumsverk á stórum skala, auk grafíkverks í litlu upplagi. Hér er um að ræða framhaldssýningu á einkasýningu Eirúnar á Svavarssafni á Höfn í Hornafirði undir nafninu Heimtaug / Hiraeth árið 2024. Síðan þá hefur sýningin vaxið og er nú komin í heimahöfn listakonunnar í Reykjavík.
Einnig kemur út listaverkaverkabók tileinkuð Heimtaugarverkunum, með textum eftir Æsu Sigurjónsdóttur, listfræðing og Snæbjörn Brynjarsson, leiklistarmann og rithöfund. Viktoria Maria Kropiewnicka sá um grafíska hönnun bókarinnar.
UM VERKIN „Það var í samtali við fyrrum safnstjóra Svavarssafns, Auði Mikaelsdóttur árið 2021, um það hvort eða hvenær við aðkomukonurnar gætum sagst vera Hornfirðingar, sem fræjunum að þessum nýjustu verkum mínum var sáð. Hversu lengi ertu aðkomumanneskja? Hvenær áttu heima? Hvenær ertu orðin Hornfirðingur, Íslendingur, Jarðarbúi?
Hugmynd sem hefur svo smám saman þróast út í heljarinnar útsaumaða tilvistarlega speglun, heims- og sjálfsmynd í senn. Fjögur stór útsaumsverk sem hverfast um það að eiga heima: að eiga heima í heiminum, fjölskyldu, ástinni og í sér. Þau heita: Af jörðu, Gullauga, Andar sem unnast og Ljósaljós
Svo er ég líka á vissan hátt komin heim með því að sýna í Grafíksalnum en ég útskrifaðist úr Grafíkdeild Myndlista- og handíðaskólans á sínum tíma.“
NÁNARI UPPLÝSINGAR Heimahöfn verður opin til 1. febrúar Opnunartímar Grafíksalsins eru fimmtudaga til sunnudaga milli klukkan tvö til sex og eftir hentugleikum fyrir hópa af ýmsum stærðum í gengum eirun@simnet.iswww.eirunsigurdardottir.net
ART EXHIBITION OPENING On Thursday, January 15 at 5 PM, the art exhibition Home Port opens in Grafíksalurinn on the harbour side of Hafnarhúsið, Tryggvagata 17.
EXHIBITION, SONG AND BOOK Artist Eirún Sigurðardóttir presents four large-scale embroidery works, along with a limited edition print. This is a continuation of Eirún’s solo exhibition at the art museum Svavarssafn in Höfn, Hornafjörður, titled Heimtaug / Hiraeth in 2024. Since then, the exhibition has grown and now arrives at the artist’s home port in Reykjavík.
Additionally, an art book dedicated to the Heimtaug works will be published, featuring texts by art historian Æsa Sigurjónsdóttir and theatre maker/author Snæbjörn Brynjarsson. Graphic design by Viktoria Maria Kropiewnicka.
ABOUT THE WORKS “It was during a conversation in 2021 with Auður Mikaelsdóttir, former director of Svavarssafn, about whether or when we newcomers could call ourselves Hornfirðingar, that the seeds for these latest works were sown. How long are you an outsider? When do you belong? When do you become a Hornfirðingur, an Icelander, a citizen of Earth?
An idea that gradually evolved into a vast embroidered existential reflection—both worldview and self-image. Four large embroidery pieces revolving around the concept of belonging: belonging in the world, in family, in love, and in oneself. Their titles are: Af jörðu(Dust to Dust), Gullauga (Goldeye), Andar sem unnast (Spirits in Love), and Ljósaljós (Light of Light).
In a way, I’ve also come home by exhibiting in Grafíksalurinn, as I graduated from the Printmaking Department of the Icelandic College of Art and Crafts back in the day.”
FURTHER INFORMATION Home Port will be open until February 1. Opening hours of Grafíksalurinn are Thursday to Sunday, 2 PM to 6 PM, and by appointment for groups of various sizes via eirun@simnet.ishttp://www.eirunsigurdardottir.net
Samsýningin Grafísk Tilbrigði / Graphic Variatons verður opnuð í Gafíksalnum í Hafnarhúsinu (hafnarmegin) fimmtudaginn 11. desember kl. 17.00 til 19.00
Hópur nýrra félaga í Grafíkfélaginu stillir hér saman strengi og sýnir fjölbreytt tilbrigði við grafík í opnum og víðum skilningi.
Hver listamaður leggur fram eigin sýn og skapar í sameiningu fjölbreytt rými þar sem ólík sjónarhorn mætast og mynda nýja heild. Á sýningunni má sjá mjög fjölbreytt verk unnin í margvíslegum miðlum.
Nýir meðlimir í Grafíkfélaginu, eru Anna Álfheiður Brynjólfsdóttir, Dagur Benedikt Reynisson, Duna August, Gunnar R Kristinsson, Marco Dorn, Pétur Halldórsson, Sara Riel, and Þórir Karl Celin.
Verkin eru öll til sölu og í húsinu verður notaleg jólastemning
Opið 12. til 21. desember, virka daga kl 15-18, laugardaga og sunnudaga frá kl 14:00 til 17:00.
The joint exhibition Grafísk Tilbrigði / Graphic Variatons will open in the IPA Gallery in Hafnarhús (harbor side) on Thursday, December 11th at 5 pm to 7 pm.
A group of new members in The Icelandic Printmakers Association will join forces here and show diverse variations of graphics in an open and broad sense. Each artist presents their own vision and together creates a diverse space where different perspectives meet and form a new whole. The exhibition will feature a wide variety of works made in a variety of media.
The new members in The Icelandic Printmakers Association are Anna Álfheiður Brynjólfsdóttir, Dagur Benedikt Reynisson, Duna August, Gunnar R Kristinsson, Marco Dorn, Pétur Halldórsson, Sara Riel, and Þórir Karl Celin.
The works are all for sale and the house will have a cozy Christmas atmosphere
Open December 12th to 21st, weekdays 3 pm – 6pm, Saturdays and Sundays from 2:00pm to 5:00pm.
“Verk í vinnslu“ er sýning á silkiprentverkum eftir farandprentsmiðjuna Brumm Brumm, unnin á síðustu þremur árum.
Fyrir þessa sýningu breyta þau sýningarrýminu í lifandi prentverkstæði — filmur, rammar, litir og verkfæri — þar sem gestir og gangandi geta fylgst með ferlinu frá upphafi prentunar til lokaverks, líkt og áhorfendur að gjörningi.
Brumm Brumm er farandprentsmiðja, silkiprentstúdíó og gallerí með aðsetur í gömlum húsbíl sem ferðast á milli áfangastaða. Hún var stofnuð í Reykjavík árið 2022 af Atla Bender og Mai Shirato.
Allt er teiknað og prentað handgert. Litirnir og aðferðirnar sem þau nota eru gamaldags og vekja upp nostalgíu.
Samstarfsverkefni sem þau unnu með Bónus verður að hluta til sýnt í rýminu og prentverk Brumm Brumm verða til sýnis og sölu.
“Verk í vinnslu“ eftir Brumm Brumm 22. nóvember – 7. desember 2025 Sýningaropnun Laugardaginn 22. nóvember kl. 16:00–19:00
“Works in Progress” is an exhibition of silk prints by Brumm Brumm, showcasing creations from the past three years.
For this show, we’re transforming the gallery into a live print studio — transparency papers, frames, colours, and printing tools — Visitors are invited to experience the process of printmaking as a live performance.
Brumm Brumm is a mobile printing studio housed in an old camper, travelling between locations to showcase printmaking as a live performance. It was founded in Reykjavik in 2022 by Atli Bender and Mai Shirato.
All designs, illustrations and printing processes are done by hand. The colours and techniques they use evoke nostalgia and a sense of the old days.
Their collaborative works with Bónus will be presented to the public for the first time, and selected prints by Brumm Brumm will be available for purchase.
“Works in Process “ By Brumm Brumm 22. November – 7. December Exhibition Opening Saturday, 22 November at 16 – 19 o’clock
Grafísksalurinn / IPA gallery, Hafnarhús,
Tryggvagata 17, Entrance is by the seaside Opening hours: Thursday to Sunday from 15 – 18 o’clock
2. – 16. Nóvember 2025 í Grafíksalnum, Hafnarhúsinu, Tryggvagötu 17 (hafnarmegin)
Opnun: sunnudaginn 2. nóvember kl 14:00 Listamannsspjall: laugardaginn 8. nóvember kl 14:00
Verkið ROCK er fyrsti hluti af stærra verkefni sem fjallar um hreyfingu steina í jarðfræðilegu samhengi. Ljósmyndirnar sýna steina sem hafa fallið úr fjallinu Ukkusissaq í Nuuk, Grænlandi. Þær skrásetja augnablik í ferli þar sem jarðskorpan færist og yfirborðið breytist. Steinar sem virðast kyrrir eru í stöðugri ferð — þeir losna, falla og færast með tíma. Yfirborð hvers steins ber merki um tíma, hreyfingu og breytingu.
//
English
ROCK
Exhibition by Elvar Örn 2 – 16 November 2025 at Grafíksalurinn / IPA Gallery, Hafnarhús, Tryggvagata 17 (harbour side)
Opening: Sunday, 2 November at 14:00 Artist talk: Saturday, 8 November at 14:00
The work ROCK is the first part of a larger project that explores the movement of stones within a geological context. The photographs depict rocks that have fallen from Ukkusissaq Mountain in Nuuk, Greenland. They record a moment within a process in which the Earth’s crust shifts and the surface changes. Rocks that appear still are in constant motion — they detach, fall, and move through time. The surface of each stone bears traces of time, motion, and change.
Opnun föstudaginn 10. október kl 17:00 – 20:00 Öll hjartanlega velkomin. Grafíksalurinn / IPA Gallery, Hafnarhúsið, Tryggvagata 17, hafnarmegin
Opnunartími: miðvikudaga til föstudaga kl 15:00 – 18:00 laugardaga til sunnudaga kl 14:00 – 17:00 Heimur síbreytilegur síkvikur sameiginlegur án eignarhalds þó á hvert líf sinn stað
Lífheimar leggjast hver yfir annan flæða hver inn í annan og frá hver öðrum lag ofan á lag ofan á lag eða ekki rekast á eða tengjast sundrast eða sameinast
Eitt síbreytilegt flæðandi líf
Fríða María Harðardóttir lauk námi við Grafíkdeild Myndlistar- og handíðaskóla Íslands árið 1998. Hún starfaði í kjölfarið við auglýsinga-, tísku- og kvikmyndageirann. Árið 2017 hóf hún meistaranám í listkennslu við Listaháskóla Íslands þaðan sem hún útskrifaðist árið 2019. Síðan þá hefur Fríða María starfað við listkennslu, fyrst við Myndlistaskólann í Reykjavík og svo við Fjölbrautaskólann í Breiðholti þar sem hún starfar enn. Einnig hefur hún staðið fyrir listasmiðjum fyrir hópa kvenna í viðkvæmri stöðu. Samhliða kennslunni hefur Fríða María unnið að sinni listsköpun og er þetta hennar fyrsta myndlistasýning.
Samrými / Cospace
Fríða María Harðardóttir October 10th-26th 2025
Opening Friday October 10th at 5pm – 8pm Opening hours: Wednesdays to Fridays at 3pm-6pm Saturdays and Sundays at 2pm-5pm
World ever-changing ever-shifting shared without ownership yet every life has its place
Living worlds layering one over another flow into each other and away from each other layer upon layer upon layer or not colliding or connecting breaking apart or merging
One ever-changing, flowing life
Fríða María Harðardóttir graduated from the Printmaking Department at the Icelandic College of Art and Crafts in 1998. She subsequently worked in the advertising, fashion, and film industries. In 2017, she began a master’s program in art education at the Iceland University of the Arts, from which she graduated in 2019. Since then, Fríða María has worked as an art teacher, first at the Reykjavík School of Visual Arts and later at her current workplace, the Breiðholt College. She has also organized art workshops for groups of women in vulnerable circumstances. Alongside her teaching, Fríða María has continued to develop her own artistic practice and this is her first art exhibition.
Íslensk Grafík 