Fréttir – News

Íslensk grafík afhendir RKÍ söfnunarfé til styrktar flóttamönnum

Í gær afhentu stjórnarmeðlimir Íslenskrar grafíkur ágóða af sölusýningu félagsins sem haldin var í lok maí sl. til styrktar flóttamönnum frá Úkraínu. 

Ferlið bakvið þessar 20/20 sýningar er að þeir sem tekið hafa þátt unnu grafíkverk í 25 eintökum í stærðinni 20×20 og þar blandast verkin inn í möppur með öðrum 20/20  listamönnum frá öðrum grafíkverkstæðum um allan heim.

Verkin hafa verið til sýnis víðsvegar um heiminn en á þessari sýningu gafst áhugasömum tækifæri til þess að líta listaverkin augum og kaupa.  Íslensku grafíklistamennirnir tóku höndum saman og ákváðu að gefa verk úr sinni möppu og láta ágóðann renna til félagsins og til flóttamanna Úkraínu .

Ókeypis bókaverksmiðja fyrir alla fjölskylduna! Sunnudaginn 3. júlí kl. 14 – 16

Fyrirlestur Sigurðar Atla Sigurðssonar um bókverk

Fyrirlestur Sigurðar Atla Sigurðssonar um bókverk fimmtudaginn  30. júní kl 17.00 í sal Íslenskrar grafíkur, Hafnarhúsinu, Tryggvagötu 17. Gengið inn hafnarmegin.

Sigurður Atli Sigurðsson myndlistarmaður heldur fyrirlestur um bókverk í tengslum við sýninguna Sigla binda í sal Íslenskrar grafíkur. Sigurður kemur til með að fjalla um rannsóknarverkefni sitt á bókverkum íslenskra myndlistarmanna við Listaháskóla Íslands. Rannsóknin er unnin í samstarfi við Aðalheiði L. Guðmundsdóttur og nemendur í meistaranámi við LHÍ. Einnig kemur Sigurður til með að fjalla um eigin útgáfu á bókverkum í gegnum Prent & vini og þær aðferðir sem þau styðjast við.

SOLANDER 250 – Bréf frá Íslandi

Morgunblaðið 14.júní 2022