Exhibitions

Nú er síðasta vika afmælissýningar ÍGr í Norrænu húsinu en henni lýkur sunnudaginn 9. ágúst kl.17.

https://nordichouse.is/event/islensk-grafik-afmaelissyning/

Beta Gagga / Elísabet Stefánsdóttir myndlistamaður opnar sýninguna

Sjétterning í Grafíksalnum, Hafnarhúsinu föstudaginn 10. Júlí kl.17-19.

Á sýningunni eru 16 ný grafíkverk. Sýningin stendur yfir til og með 19. Júlí.

Sýningin ber heitið Sjéttering og eru verkin unnin í vinsælustu litum Slippfélagsins sem eru hannaðir af Fröken Fix og Skreytum heimilið.  Verkin eru abstrakt verk með lífrænum undirtóni tónlistarinnar sem hljómaði á meðan verkin voru sköpuð.

Beta hefur haldið nokkrar einkasýningar og auk þess tekið þátt í fjölda samsýningum þ.á.m.  í Boston og New York í Bandaríkjunum, Englandi, Skotlandi, Svíþjóð, Danmörku,Þýskalandi, Finlandi og víðar.

Beta Gagga útskrifaðist frá Listaháskóla Íslands árið 2002 með BA í grafíklist og lauk viðbótar diplóma í listkennslu við LHÍ 2003. Hún rekur vinnustofu á Korpúlfsstöðum og  gallerí á Korpúlfsstöðum ásamt fleirum listamönnum.

Opnunar tími Grafíksalsins  er  fimmtudaga til sunnudaga 14-17.

Félagið Íslensk grafík fagnar nú 50 ára afmæli sínu og í tilefni þess var opnuð sýning á verkum 46 félagsmanna í Norræna húsinu á laugardaginn 16 mai. Sýningin stendur til 9. ágúst 2020 og aðgangur er ókeypis.

Félagið Íslensk grafík fagnar nú 50 ára afmæli sínu og í tilefni þess verður opnuð sýning á verkum 46 félagsmanna í Norræna húsinu laugardaginn 16. maí 2020.

Sýningarstjóri er Birta Guðjónsdóttir.

Verk félagsmanna eru unnin með ýmsum aðferðum grafíklistarinnar. Sýningunni er ætlað að fagna starfsemi Íslenskrar grafíkur og þeirri breidd í aðferðum og tækni sem félagsmenn hafa tileinkað sér á löngum og farsælum starfstíma félagsins. Á sýningunni verða einnig valin verk heiðursfélaga Íslenskrar grafíkur.

Uppgangur hefur verið í grafíklistinni á undanförnum árum á Íslandi og í nágrannalöndunum. Það er mikið fagnaðarefni hversu vel grafíkin hefur haldið velli sem listgrein og heldur áfram að eflast. Félagsmönnum í Íslenskri grafík hefur fjölgað töluvert á síðastliðnum áratug og eru þeir nú um hundrað talsins.

Fjölmargar af sýningum Íslenskrar grafíkur hafa verið haldnar í Norræna húsinu, allt frá upphafsárum félagsins. Þykir okkur því viðeigandi og ánægjulegt að halda afmælissýninguna í sýningarsalnum Hvelfingu sem nýlega var opnaður á neðri hæð Norræna hússins eftir endurbætur.

Félagið Íslensk grafík, sem einnig er kallað Grafíkfélagið, var stofnað í núverandi mynd árið 1969 og hefur starfað óslitið síðan. Upphaf þess má þó rekja til ársins 1954. Félagið er hagsmunafélag og fagfélag myndlistarmanna sem leitast við að efla tæknilega og listræna færni sína í grafíkinni og finna sköpun sinni þar farveg. Félagið hefur um árabil rekið sýningarsal og vel búið verkstæði sjávarmegin í Hafnarhúsinu í Reykjavík en heldur senn á nýjar slóðir með starfsemi sína. Meðal meginmarkmiða félagsins er að stuðla að framgangi grafíklistar hér á landi með sýningahaldi á verkum félagsmanna hérlendis og erlendis og að kynna erlenda grafíklist á Íslandi. Félagið hefur í gegnum tíðina staðið fyrir heimsóknum fjölda erlendra grafíklistamanna til landsins og hafa námskeið þeirra í ýmiskonar grafíktækni haft mikilvægt menningar- og fræðslugildi. Sýningar félagsins á verkum þeirra hafa jafnframt haft mikil áhrif á listamenn og aðra listunnendur hér á landi. Verkin á sýningunni í Norræna húsinu endurspegla þá miklu fjölbreytni sem ríkir í listsköpun félagsmanna og nálgun þeirra við grafíkina og er afmælisóður til félagsins Íslensk grafík á hálfrar aldar afmælinu.

Til hamingju með afmælið og heill þér fimmtugri, Íslensk grafík!

-Birta Guðjónsdóttir

Mynd í banner er samsett af verki Bjargar Þorsteinsdóttur (1940–2019) Óskasteinar frá árinu 1986 og lógói félagsins eftir Jón Engilberts (1908-1972) frá árinu 1970.

 

Fáðu myndlist að láni í Artoteki Norræna hússins
Listlánadeild bókasafns Norræna hússins er glæsilegt safn grafík listaverka eftir norræna grafíklistamenn. Með aðeins lánþegaskírteini í bókasafninu geta allir fengið 3 grafíkverk að láni í 3 mánuði í senn. Vertu velkomin til okkar í Artotek Norræna hússins til að skoða úrvalið.

Bókasafn Norræna hússins

Listamaður Grafíkvina  2020 er Þórdís Elín Jóelsdóttir og verða grafíkverk hennar tíl sýnis í Grafíksalnum, sýningarsal félagsins á Safnanótt og um þá helgi.

Verkið “Jökulhálsinn”.
Íslensk náttúra er Þórdísi hugleikin. Þá sérstaklega jöklarnir, sem óðum hverfa.
Stærð myndarinnar er 10,0 x 20,0 sm. Aðferð: æting, akvatinta, chinecollé og er þrykkt
af listamanninum í aqua-litum á Salland pappír, 20,0 x 28,0 sm í 80 eintökum.
Þórdís Elín Jóelsdóttir var í myndlistarnámi við Fjölbrautarskólinn í Breiðholti 1982-85
og Myndlista-og handíðaskóla Íslands, grafíkdeild 1985-88. Þórdís hefur haldið nokkrar
einkasýningar og tekið þátt í mörgum sýningum hérlendis og erlendis, Hún hefur m.a.
stofnað ásamt fleirum Gallerí Korpúlsstaði og er lika búin að vinna í stjórn IG. Nánari
upplýsingar um Þórdísi má sjá á slóðinni http://www.gallerikorpulfsstadir.com.
Á Safnanótt, verða Grafíkvinamyndirnar kynntar eins og verið hefur, í húsnæði félagsins
Tryggvagötu 17, hafnarmegin, föstudaginn 7. febrúar kl. 18.00-23.00 Við viljum bjóða
Grafíkvini og gesti þeirra sérstaklega velkomna á foropnun þann dag milli kl.18.00-19.00!
Einnig verður hægt að nálgast verkið laugardaginn 8. febrúar og sunnudaginn 9. febrúar
á opnunartíma sýningarsalarins kl. 14.00-17.00 eða síðar eftir samkomulagi.
Greiðsla vegna verksins verður innheimt í gegnum heimabanka en þeir sem kjósa það
frekar, geta greitt verkið á staðnum. Einungis greidd verk eru afhent. Verð er kr. 15.000-.
Það eru ennþá fáanleg verk eftir m.a. Kristján Daviðsson, Kristínu Gunnlaugsdóttur og
Tryggva Ólafsson.

 

Magdalena Margrét Kjartansdóttir var valin Heiðursfélagi Íslenskrar Grafíkur 2019

Magdalena mun sýna verk sín í Grafíksalnum, sýningarsal félagsins í Hafnarhúsinu í desember. Opnun sýningarinnar ÖR verður á laugardaginn 7. desember kl.13.

Magdalena f. 1944, lagði stund á grafík og lauk námi frá Myndlista- og handíðaskóla Íslands árið 1984. Hún hefur hlotið styrki og viðurkenningar fyrir list sína haldið fjölda einkasýninga og tekið þátt í samsýningum hér á landi sem erlendis.

Auk listsköpunar hefur Magdalena verið virk á myndlistarsviðinu; setið í ýmsum félagastjórnum tengdum myndlist, komið að rekstri listhúsa t.d. Start Art og Meistara Jakob ásamt öðrum listamönnum.  Hún hefur kennt grafík áfanga við Myndlistaskóla Reykjavíkur og Listaháskóla Ísland.

Verk hennar eru meðal annars í eigu Listasafn Íslands, Listasafns Reykjavíkur, Listasafns Kópavogs, Hafnarborgar og Alþingis Íslendinga.

Magdalena á verk á sýningu 10 evrópskra listamanna sem nú stendur yfir í Rheine Þýskalandi, sem þátttakandi í Münsterland Festival sem opnaði í október 2019.

Sýningar framundan;

Grafiktriennial XVI sýningar í Galleri Sander, Trelleborgs Museum, Kulturens Hus og Grafiska Sällskapet, frá 25. janúar til 1. nóvember 2020 í Svíþjóð.

Sýning í Galeria Arte-Banco Portugal Leiria 2020.

Sýningin stendur yfir næstu 2 helgar: 7.og 8. desember og 14. og 15. desember kl.14-17.

 

Við hvetjum alla  til að mæta og heiðra þessa stórkostlegu listakonu og grafíker.

We’ve added a popup class in Juice Box Etching with visiting artist Dörte Köstlin, plus Gum Bichromate and Hvað er grafik are back by popular demand! See the course details and registration info here.

This fall, we have several exciting short courses in printmaking and hand-printed photography techniques! Visiting artist-photographer Constanza Isaza will lead beginners in the cyanotype and photopolymer gravure processes, while our own Valgerður Hauksdóttir will introduce a range of printmaking techniques in her popular course, Hvað er grafík (What is printmaking). Laura Valentino is back with her gum printing class, a 19th century photographic process using watercolor pigments. See registration details here.