Category: exhibition

Verið velkomin á sýningu mína í Sal Íslenskrar Grafíkur, norðanmegin í Hafnarhúsinu.
Þar eru til sýnis nokkrir skúlptúrar og lágmyndir unnar úr rekavið.
Opnun föstudag 5. júní kl 17-18:30.

Verkefnið fór af stað 1. janúar 2009 í fjöru er afmarkast af fótboltavelli við Sörlaskjól og dælustöð við Faxaskjól. Á bakkanum fyrir ofan fjöruna safnast fyrir töluvert af rekavið. Þegar sjávarstaða og vindur er þannig, feykir aldan spýtum og steinum upp á land. Það sem upp hafði safnast í gegnum árin fjarlægði ég og hreinsaði þannig svæðið af öllu utanaðkomandi.

Upp frá því í eitt ár safnaði ég öllu því sem kom á land. Mjög misjafnt var hvort og hversu mikill reki kom uppá land og ýmislegt skemmtilegt kom í ljós. Ég safnaði, þvoði og þurrkaði rekann og hélt þriggja mánaða “birgðum” saman. Þennan efnivið er ég núna að nota í sýninguna Snart hjarta fyrir Sýningarsal Íslenskrar Grafíkur í Hafnarhúsinu.

Hugmyndir verkanna koma víða að og þau geta skírskotað til margra hluta. Oft vinn ég þannig að náttúran eða umhverfið gerir/gefur hluta af verkinu og ég útfæri það svo, stundum á undan og stundum á eftir.

Þegar ég týndi rekann var kreppan mikið í umræðunni og fannst mér því áhugavert að nýta mér auðlind sem var fleygt á land eftir dyntum veðurs og stöðu tungls. Í gegnum aldirnar hefur rekinn auðvitað verið nýttur til margra hluta eins og til húsbygginga og sem girðingarefni.

Salurinn er opinn miðvikudaga til sunnudaga 14-18

Verk Grafíkvina árið 2015, “Brot” er dúkrista eftir Aðalheiði Valgeirsdóttur (f. 1958). Verkið er þrykkt af listamanninum sjálfum í þremur litum, með vatnsleysanlegum og eiturefnalausum þrykklitum frá Daler Rowney, á 250 gr. Hahnemühle grafíkpappír. Lítill rauður flötur/brot er málað með vatnslit. Upplag verksins er 80 eintök. Stærð myndar er 14,5×19 cm og pappírsstærð 20x28cm.

Aðalheiður lauk námi frá grafíkdeild Myndlista-og handíðaskóla Íslands árið 1982. Hún helgaði sig grafíklist á fyrstu árum ferils síns en hefur á síðari árum nær engöngu fengist við málverk í listsköpun sinni. Hún hefur haldið 19 einkasýningar og tekið þátt í fjölda samsýninga hér á landi og erlendis.

Aðalheiður hefur lokið BA og MA námi í listfræði frá Háskóla Íslands og starfar bæði sem myndlistamaður og sjálfstætt starfandi listfræðingur.

Verk Aðalheiðar hafa sterka skírskotun í náttúru landsins og þau blæbrigði sem skapast af tíma, veðráttu og birtu í samspili við hugmyndir mannsins um umhverfi sitt og tengsl hans við það.

 

www.ava.is

www.islenskgrafik.is

Pjetur Stefánsson og Þór Sigmundsson sýna verk sín í sal Íslenskrar Grafíkur í Hafnarhúsinu, Tryggvagötu 17, hafnarmegin.

Sýningin opnar laugardaginn 17. janúar klukkan 15.00. Þetta er fjórða samsýning Pjeturs og Þórs á s.l. átta árum.

Að þessu sinni sýnir Pjetur teikningar og Þór höggmyndir.

Sýningin er opin á sunnudögum og laugardögum milli 14.00 og 18.00.

 

Félagið íslensk Grafík verður 45 ára.

Í tilefni afmælisins verður efnt til samsýningar félagsmanna í í Artóteki – sýningarsal Borgarbókasafnsins – og verður opnunin á menningarnótt, laugardaginn 23. ágúst n.k. kl. 18:00.

 

Félagið Íslensk Grafík (einnig kallað Grafíkfélagið) var stofnað í núverandi mynd árið 1969 en var upprunalega stofnað árið 1954. Meginliðurinn í starfsemi félagsins hefur lengst af verið sýningarhald af ýmsu tagi, einkum sýningar á verkum félagsmanna innan lands og utan og útgáfa kynningarrita um íslenska grafíklistamenn og verk þeirra. Það hefur líka gefið út möppur með verkum félagsmanna og þannig stuðlað að aukinni dreifingu grafíklistar. Félagið hefur sömuleiðis staðið að kynningu á erlendri grafík hérlendis. Í félaginu eru í dag yfir 70 listamenn. Félagið rekur sýningarsal og verkstæði í Hafnarhúsinu í Reykjavík. Þar verður opið hús á menningarnótt frá kl.15- 20, áhugaverð sýning á verkum íslenskra og bandaríksra listamanna og listamenn að störfum.

 

Björg Þorsteinsdóttir var nýverið útnefnd heiðursfélagi Í.G. og verða verk hennar í öndvegi á sýningunni.

 

Sýningin verður opin á opnunartíma Borgarbókasafnsins.

 

 

ig.visir