ÓRÓ
Magdalena Margrét Kjartansdóttir sýnir í sal Íslenskrar grafíkur Tryggvagötu 17 hafnarmegin, stór verk handprentuð á örþunnan japanskan pappír.
Magdalena hefur verið að fást við konuna og kvenleikann síðustu áratugina. Í fyrstu verkunum fékkst hún við æskuna og sakleysið; nú eru konurnar hennar að eldast og þroskast í takt við hana sjálfa.
Magdalena endurnýtir eldri verk og setur í nýtt samhengi. Hún krumpar þau og klippir, rífur, leggur, límir og steypir saman í stór verk, þrykkjum sem spanna allan listferilinn, og úr verður einskonar yfirlitsverk. Elsta þrykkið er frá árinu 1982, það yngsta frá árinu 2014.
Magdalena Margrét hefur fyrir löngu skipað sér í framvarðarsveit íslenskra grafíklistamanna með sérstæðum og persónulegum stíl.
Sýningin opnar kl.17. þann 13.maí og stendur frá 14.-25. maí. Opnunartími 14.00-18.00 fimmtudaga – sunnudaga.
Íslensk Grafík 