Author: isgrafik

“Díana Margrét Hrafnsdóttir myndlistarmaður opnar sýninguna LAND í
Grafíksalnum í Hafnarhúsinu Reykjavík fimmtudaginn 16.júní
kl.16:00-19:00. Sýningin verður opin fimmtud. til sunnud.
kl.14:00-18:00.
Sýningunni lýkur sunnud. 3.júlí.”

Díana Margrét útskrifaðist úr Grafíkdeild Listaháskóla Íslands árið
2000.  Hún var einnig við nám í leirlist í Myndlistarskóla Reykjavíkur.

Hún hefur tekið þátt í fjölda samsýninga og haldið nokkrar
einkasýningar.

Díana Margrét er félagi í SÍM og Íslanskri Grafík, þar sem hún hefur
tekið þàtt í félagsstörfum.

Verkin á sýningunni LAND í Grafíksalnum eru flest unnin á stórar
tréplötur, en einnig kemur steinleir við sögu.

Hún sker mjög gróft í plöturnar þar sem svartur sandur og flæði vatns
renna saman í eina kraftmikla heild”

Þóra Sigurðardóttir opnar sýninguna TEIKNING / RÝMI föstudaginn 12. febrúar nk. kl. 18:00 í sýningarsal Félagsins íslensk grafík, Hafnarhúsinu Tryggvagötu 17 (inngangur hafnarmegin). Þóra sýnir teikningar og prent ásamt þrívíðum verkum sem eru unnin á tímabilinu 2014-16. Verkin fjalla um tíma, rými og afbökun þess, rýmið í teikningunni og teikninguna í rýminu.

„Líta má á arkitektúr sem markandi línu, landamæri þess sem þróast að innan og utan við það sem markað er. Þannig er hin afmarkandi lína einhverskonar útvörður eða jaðar rýmisins, blábrúnin, sem snertir bæði orku þess sem er fyrir innan sem og utan við. Listsköpun Þóru tekst á við þennan ramma með mjög svo efnislegum hætti; marglaga teikning afbakar form fyrirmyndarinnar og vísar þannig bæði inn í sjálfa sig, á sama tíma og hún tekst á við rýmið sjálft.“ (H.Þ.).

Sýningarstjóri er Helga Þórsdóttir. Helga mun fjalla um sýninguna og verk Þóru á Hugarflugi, árlegri ráðstefnu Listaháskóla Íslands þann 19. febrúar nk. Markmið ráðstefnunnar er að skapa vettvang fyrir faglega og gagnrýna umræðu um þekkingarsköpun á fræðasviði lista, með áherslu á listrannsóknir.

Þóra Sigurðardóttir er fædd árið 1954. Hún útskrifaðist úr kennaradeild Myndlista- og handíðaskóla Íslands árið 1979 og úr grafíkdeild skólans árið 1981. Þóra sótti síðan framhaldsnám í Danmörku með áherslu á rými, skúlptúr og málverk og lauk þaðan námi árið 1991. Þóra á að baki á annan tug einkasýninga ásamt fjölda samsýninga bæði innanlands og utan. Þóra á verk í Listasafni Íslands, Listasafni Reykjavíkur og fleiri söfnum auk verka í einkasöfnum hér heima og erlendis. Meðfram vinnu við myndlist hefur hún fengist við sýningarstjórn og kennslu og skólastjórn við Myndlistaskólann í Reykjavík og Hönnunar- og handverksskóla Tækniskólans.

Velkomin á opnun föstudaginn 12. febrúar kl. 18:00

Verkið er koparæting unnið út frá ljósmynd (ImageOn filmu) síðan ætt í járnklorid. Það er þrykkt af listamanninum sjálfum með tveimur litum Prussian Blue og svörtum frá Charbonnel á 300 gr. Hahnemühle grafíkpappír. Stærð myndar er 20x15cm og pappírsstærð 28x20cm. Upplag verksins er 80 eintök.

Íslensk náttúra er aðaluppsprettan í listsköpun Kristínar. Kraftur náttúrunnar og það ófyrirsjánlega eins og hlýnun jarðar hefur verð henni hugleikið.

Hún heillast af landinu við fætur okkar, yfirborði og blæbrigðum og tekur oftast nærmyndir af viðfangsefninu, samanber Grafíkvinamyndin. Undanfarin ár hefur Kristín tengt ljósmyndun og grafíktækni þ.e. ætingu.

Kristín lauk námi frá Grafíkdeild Myndlista- og handíðaskóla Íslands árið 1994. Hún hefur eingöngu unnið að myndlist síðan, aðallega í grafík en einnig í olíumálun.

Árið 2015 var Kristín valin ásamt þremur íslenskum grafíklistamönnum til að taka þátt í norrænni samsýningu “GraN” í Listasafni Akureyrar. Kristín hefur haldið átta einkasýningar og tekið þátt í fjölmörgum samsýningum heima og erlendis.

Verið hjartanlega velkomin á Safnanótt föstudaginn 5.febrúar  kl.18:00-23:59 og laugardaginn 6.febrúar og sunnudag 7.febrúar frá kl.14-18

Pjétur Stefánsson og Þór Sigmundsson opna fyrstu sýningu ársins í Grafíksalnum
laugardaginn 16.janúar kl.15.

Verið velkomin

Danski listamaðurinn Jens D Nielsen opnar sýningu sína Landslag

föstudaginn 23. október 2015, kl. 17-20 hjá  Íslenskri grafík í Hafnarhúsinu, Tryggvagötu 17 (hafnarmegin)

Sýningin stendur frá 24. október til 8. nóvember. Sýningin, sem ber vinnuheitið ”Kortlagt landslag”, er framhald fyrri sýningar með styttra heitinu ”Landslag”, sem var í Norræna húsinu í 2011. Jens D Nielsen en hann er heiðursfélagi í danska grafíkfélaginu og með langan listferil. Jens D Nielsen er hér á landi núna og því er möguleiki á viðtali við hann um sýninguna.

Á sýningunni “Before Iceland” sýnir hún 33 einþrykk unnin í þurrnál með chine collage og segir um verkin að hún líti á grafík sem eina aðferð við teikningu frekar en prentmiðil eða:

“I tend to think of printmaking as another way to draw rather than ‘making a print’ per say. The tools of printmaking give my inclination to draw new tensions to push against and going back and forth between [painting, drawing and printmaking] mediums invigorates the questions I ask in my work.”

Fimmtudaginn 10 september kl. 17 opnar Ásdís Kalman málverkasýningu sína „Spektrum” í sal Íslenskrar grafíkur, Tryggvagötu 17, Reykjavík.  Með verkum sínum leitast hún við að fanga og festa á mynd orkuflæði og ljósaminningar.

Sýningin í sal Íslenskrar grafíkur er tíunda einkasýning Ásdísar. Hefur hún  einnig hefur tekið þátt í fjölda samsýninga á Íslandi og erlendis.  Ásdís hefur í gegnum árin að mestu notast  við olíu á striga í sköpun sinni.

Ásdís lærði myndlist í Myndlista- og handíðaskóla Íslands og útskrifaðist frá málaradeild árið 1988. Hún lauk B.A.-gráðu í kennslufræði frá Listaháskóla Íslands vorið 2004.
Ásdís hefur unnið við myndlist frá því að hún lauk námi í faginu og hefur einnig kennt myndlist til margra ára, síðustu árin við Ingunnarskóla.

Sýningin stendur yfir til 27.september og opnunartímar verða fimmtudagar og föstudagar á milli kl.15.00-18.00 og laugardaga og sunnudagar á milli kl. 14.00-18.00.

Þóra Einarsdóttir opnar sýninguna “Nærmynd” í Grafíksalnum, Tryggvagötu 17, hafnarmegin, 21. ágúst, kl. 17-19. Á sýningunni verða olíumálverk og dúkristur þar sem viðfangsefnið er gömul yfirgefin hús sem Þóra heimsótti á Vestfjörðum og á Vesturlandi árið 2014. Þar veltir listakonan fyrir sér spurningunni af hverju hús og staðir eru yfirgefnir? Þóra stundaði nám í Myndlistarskólanum í Reykjavík 1991-1995 og hefur síðan sótt námskeið hjá hinum ýmsu myndlistarmönnum. Þóra hefur haldið nokkrar einkasýningar og tekið þátt í fjölda samsýninga hérlendis og erlendis m.a. í Róm og á Sikiley og í Louvre safninu í París. Sýningin Þóru stendur til 6. september, opið alla daga kl. 14-18. Allir velkomnir.

Verið velkomin á opnun sýningarinnar

Ísland-Iceland-IJsland fimmtudaginn 23. júlí kl. 17.00.

Welcome to Hlif Asgrimsdottir exhibition

Ísland-Iceland-IJsland Thursday July 23th at 17.00.

Sýningin stendur til 27. júlí og er opin frá kl. 14.00-18.00.

The Exhibition is open Thursday July 24 – Sunday July 27 from 2-6pm.

Verk Hlífar Ásgrímsdóttur eru undir áhrifum af umhverfislist og málverkum sem máluð eru í einum lit. Verkin eru skipulega uppbyggð og bera með sér tilfinningalega tjáningu. Duchamp var upphafsmaður hugmyndarinnar um READYMADE og setti fram tilbúna hluti sem hann skilgreindi sem listaverk og gaf nafn.

Hlíf grefur upp rusl í formi rúlluplasts sem hefur verið skilið eftir á jörðinni og það hefur dregið í sig liti frá sandi, grasi og mold. Vegna áferðar, óvæntra forma og lita þá hengir hún rúlluplastslengjurnar upp eins og READYMADE án umgjarðar og án málningar. Ósnert, eins og það er. Á þann hátt sýnir hún veruleikann þar sem plastefni breytir eiginleikum hafsins og jarðarinnar.

Vatnslitamyndirnar eru málaðar þar sem sjónarhornið er hvorki samhliða né hornrétt, og inniheldur óhlutbundna vídd og landslag. Litaáferð og margar umferðir af undirmálningu búa til mörg blæbrigði og skapa andstæður milli ljóss og skugga. Margar umferðir litanna gera það að verkum að landslagið er að hverfa en absrakt áhrif koma í staðinn. Einnig skrifar hún orðið Ísland á ýmsum tungumálum.

Hlíf Ásgrímsdóttir’s work is influenced by both environmental art and modernist monochrome paintings. Her work is between organized composition and emotional expression. Duchamp created the concept of the READYMADE and the selecting of found objects which were then declared as artwork. Hlíf digs up trash in the form of plastic sheets that has been left on the ground and is marked by the colors from the sand, grass and mud. Because of the texture, unexpected forms and colors, she hangs the plastic sheets up as READYMADE without framework and without painting it. Untouched. This is her way of portraying reality in which the plastic material is changing the sea and the earth. In the watercolors, the texture and many traces of transparent under-painting create shifting tones and make the contrast between light and dark. Applied in many layers, their landscape cause concentrated colors to fade away, giving an effect of abstract feeling. Also she writes the word, Iceland in various languages. A perspective which is neither parallel nor at right angles, the watercolors often incorporate both landscape and abstract world.

Nánari upplýsingar/Information:

Hlíf Ásgrímsdóttir

tel: 8645879 / 5619347

hlif.asgrimsdottir.com

www.islenskgrafik.is